BULLIZMI VERBAL DHE GJUHA E URREJTJES ONLINE

Shkollat luajnë një rol shumë të rëndësishëm në ndalimin e bullizmit dhe në krijimin e një ambienti të sigurt për të gjithë nxënësit. Ato mund të vendosin rregulla të qarta kundër bullizmit dhe t’i informojnë nxënësit për pasojat e sjelljeve të pahijshme. Mësuesit duhet të jenë të vëmendshëm dhe të ndërhyjnë menjëherë kur vërejnë raste bullizmi. Një ndihmë shumë e madhe është edhe psikologu i shkollës, i cili i dëgjon nxënësit, i ndihmon të shprehin ndjenjat e tyre dhe u jep këshilla për të përballuar situatat e vështira. Psikologu gjithashtu punon me nxënësit që ushtrojnë bullizëm për t’i ndihmuar të ndryshojnë sjelljen. Një aktivitet i dobishëm kundër bullizmit është organizimi i diskutimeve në klasë ose punës në grupe, ku nxënësit flasin hapur për përvojat e tyre dhe mësojnë rëndësinë e respektit, empatisë dhe bashkëpunimit. Këto veprime ndihmojnë në ndërtimin e një shkolle më të drejtë dhe më të sigurt për të gjithë.